ஒரு மாதத்தில் கல்முனையை தரமுயர்த்துவாராம் ஞானசாரர்: உண்ணாவிரதம் முடிந்தது; அடையாள போராட்டம் தொடர்கிறது!

ஒரு மாதத்தில் கல்முனை வடக்கு பிரதேசசெயலகம் தரமுயர்த்தப்படும் என்ற ஞானசார தேரரின் கோரிக்கையை ஏற்று, கல்முனை விகாராதிபதி உள்ளிட்ட நால்வர் உண்ண...

ஒரு மாதத்தில் கல்முனை வடக்கு பிரதேசசெயலகம் தரமுயர்த்தப்படும் என்ற ஞானசார தேரரின் கோரிக்கையை ஏற்று, கல்முனை விகாராதிபதி உள்ளிட்ட நால்வர் உண்ணாவிரதத்தை முடிப்பதாக அறிவித்தனர். தமிழ்தேசியகூட்டமைப்பு கல்முனை மாநகரசபை உறுப்பினர் ராஜன் நீரை மட்டும் அருந்தி உண்ணாவிரதம் இருப்பதாக தெரிவித்துள்ளார்.

எனினும் கல்முனை பிரதேச செயலகத்திற்கு நிரந்தர முடிவு கிடைக்கும்வரை அடையாள உண்ணாவிரதம் தொடரும் எனவும் ஏற்பாட்டாளர்கள் தெரிவித்தனர்.

கல்முனை வடக்கு பிரதேசசெயலகத்தை தரமுயர்த்த ஒரு மாதத்தில் நடவடிக்கையெடுப்பதாக ஞானசேரர் வழங்கிய வாக்குறுதியையடுத்து, கல்முனை போராட்டம் இன்று மதியம் 1 மணிக்கு முடித்து வைக்கப்படுமென்பதை தமிழ்பக்கம் நம்பகரமாக அறிந்தது.

இன்று மதியம் 1 மணிக்கு முறைப்படி போராட்டம் முடித்து வைக்கப்படுகிறது.



கல்முனையை தரமுயர்த்துமாறு கோரி நடத்தப்படும் போராட்டம் இன்றுடன் 6வது நாளை எட்டியுள்ளது. நேற்று அரசியல் பிரமுகர்கள் போராட்டக்களத்திற்கு சென்றிருந்தனர். அப்பொழுது முன்கூட்டியே திட்டமிட்ட அடிப்படையில் செயற்பட்டு, அவர்கள் மீது எதிர்ப்பு தெரிவிக்கப்பட்டிருந்தது.

இந்தநிலையில் இன்று அங்கு சென்ற ஞானசார தேரருடன் பேச்சு நடந்து வருகிறது.

போராட்டத்தை கைவிடும்படியும், தான் கல்முனையை தரமுயர்த்த நடவடிக்கை எடுப்பதாகவும் ஞானசார தேரர் கூறினார். 7 நாள் அவகாசம் தருவதாக போராட்டக்காரர்கள் குறிப்பிட்டனர்.

“என்னால் 5 நாளிலும் கல்முனையை தரமுயர்த்தி தர முடியும். ஆனால் விளைவுகள் மோசமாக இருக்கும். நிதானமாக இந்த நடவடிக்கையை செயற்படுத்த எனக்கு ஒரு மாதம் அவகாசம் தாருங்கள். அதற்குள் கல்முனையை நான் தரமுயர்த்தி தருவேன்“ என ஞானசாரர் தெரிவித்தார். இந்த பேச்சுக்கள் தற்போது நடந்து வருகிறது.

எனினும், இன்று மதியம் 1 மணிக்கு போராட்டத்தை ஞர்னசாரர் முடிப்பதென்றும், அவர் தரமுயர்த்தும் நடவடிக்கையை பொறுப்பேற்பார் என அறிவிப்பதென்றும் முடிவாகியுள்ளது.

நேற்று அரச, தமிழ் தேசிய கூட்டமைப்பு பிரதிநிதிகளின் 3 மாத அவகாசத்தை ஏற்காத போராட்டக்குழு, இன்று ஒரு மாத அவகாசம் கோரும் மததத்தலைவரின் பேச்சை ஏற்றுள்ளமை குறிப்பிடத்தக்கது.