நாகவிகாரையில் நாமல்

ஒன்றிணைந்த எதிரணி நாடாளுமன்ற உறுப்பினர் நாமல் ராஜபக்ஷ யாழ் நாகவிகாரைக்கு விஜயம் செய்துள்ளார். யாழ்ப்பாணத்திற்கு திங்கட்கிழமை (29) பயணம் ம...

ஒன்றிணைந்த எதிரணி நாடாளுமன்ற உறுப்பினர் நாமல் ராஜபக்ஷ யாழ் நாகவிகாரைக்கு விஜயம் செய்துள்ளார்.

யாழ்ப்பாணத்திற்கு திங்கட்கிழமை (29) பயணம் மேற்கொண்டுள்ள ஹம்பாந்தோட்டை நாடாளுமன்ற உறுப்பினர் நாமல் ராஜபக்ஷ குழுவினர் காலை 10 மணியளவில் நாகவிகாரை விகாராதிபதி வண மீகஹ யதுரே ஸ்ரீ விமல தேரரை சந்தித்து கலந்துரையாடியதுடன் ஆசிர்வாதத்தையும் பெற்று கொண்டனர்.

இதன் போது பாராளுமன்ற உறுப்பினர் அங்கஜன் இராமநாதன் மற்றும் ஸ்ரீ பொதுஜ‌ன‌ பெர‌முன‌ க‌ட்சி யாழ் மாவட்ட முக்கியஸ்தர்கள் இவ்விஜயத்தின் போது உடனிருந்தனர்.

மேலும் இன்று யாழ் ஆயர் இல்லம், நல்லூர் ஆதின குரு முதல்வர், முஸ்லிம் மக்கள் தரப்பு, விளையாட்டு கழகங்கள், யாழ் வணிகர் கழகம் என்பவற்றுடன் சந்திப்பில் ஈடுபட உள்ளதாக தெரிவிக்கப்பட்டுள்ளது.