நயினா தீவில் கரை ஒதுங்கிய மருத்துவ உபகரணங்கள் இலங்கையில் பயன்படுத்துவதில்லை.. சுகாதார வைத்திய அதிகாரி தெரிவிப்பு. நயினாதீவு கடல் கரையில் கரை...
நயினா தீவில் கரை ஒதுங்கிய மருத்துவ உபகரணங்கள் இலங்கையில் பயன்படுத்துவதில்லை.. சுகாதார வைத்திய அதிகாரி தெரிவிப்பு.
நயினாதீவு கடல் கரையில் கரை ஒதுங்கிய மருத்துவ உபகரணங்கள் இலங்கையில் பயன்படுத்தும் மருத்துவ உபகரணங்கள் அல்ல என வேலணை பிரதேச பொது சுகாதார வைத்திய அதிகாரி தெரிவித்தார்.
கடந்த செவ்வாய்க்கிழமை நயினாதீவு கடற்பரப்பில் கரையொதுங்கிய மருத்துவ உபகரணங்கள் தொடர்பில் அவரிடம் தொடர்பு கொண்டு கேட்டபோதே அவர் இவ்வாறு தெரிவித்தார்.
அவர் மேலும் தெரிவிக்கையில் குறித்த கடற்பரப்பில் ஒரு சில மருத்துவ உபகரணங்கள் கரையொதுங்கியது.
குறித்த மருத்துவ உபகரணங்கள் தொடர்பில் எந்த நாட்டினுடையது என உறுதியாக கூற முடியாவிட்டாலும் அவை இலங்கையில் பயன்படுத்தும் உபகரணங்கள் அல்ல.
ஆகவே குறித்த உபகரணங்களை பகுப்பாய்வு செய்யும் பொருட்டு கொழும்புக்கு அனுப்பியுள்ளதாக அவர் மேலும் தெரிவித்தார்