திருமதி சாள்ஸ் அவர்கள் வடக்கு மாகாணத்தின் ஆளுநராக வருவதற்கு முயற்சிக்கிறார் என செய்திகள் வரும் நிலையில் அவர் தொடர்பில் வடக்கு மக்களிடம் நல...
திருமதி சாள்ஸ் அவர்கள் வடக்கு மாகாணத்தின் ஆளுநராக வருவதற்கு முயற்சிக்கிறார் என செய்திகள் வரும் நிலையில் அவர் தொடர்பில் வடக்கு மக்களிடம் நல்ல அவிப்பிராயம் இல்லை என அரசியல் ஆய்வாளர் சி அ ஜோதிலிங்கம் தெரிவித்தார்.
நேற்று சனிக்கிழமை அவரது இல்லத்தில் இடம்பெற்ற ஊடகவியலாளர் சந்திப்பிலேயே அவர் இவ்வாறு தெரிவித்துள்ளார் அங்கு அவர் மேலும் தெரிவிக்கையில்,
முன்னாள் வடக்கு மாகாண ஆளுநராகவும், முன்னாள் யாழ். மாவட்ட அரசாங்க அதிபராகவும் திருமதி சாள்ஸ் அவர்கள் இருந்துள்ளார். ஆனால் அவரைப் பற்றி நல்ல அபிப்பிராயங்கள் தமிழ் மக்கள் மத்தியில் இருப்பதாக எனக்கு தெரியவில்லை.
சாள்ஸ் அவர்கள் தேர்தல்கள் ஆணைக்குழுவின் உறுப்பினர் பதவியில் இருந்து இராஜினாமா செய்திருக்கின்றார். ஆகவே அதனைக் காரணமாக வைத்து அரசியல் அமைப்பு பேரவை புதிய தேர்தல் ஆணைக்குழுவை உருவாக்க வேண்டும் என்கின்ற ஒரு செயற்பாட்டில் இறங்கி இருப்பதனாலேயும் தேர்தலை பிற்போடக்கூடிய வாய்ப்புகள் இருக்கலாம் என நான் நினைக்கிறேன்.
எனவே அரசாங்கம் இவ்வாறான விடயங்களை கவனம் எடுப்பதன் மூலம் தான் தேர்தல் தொடர்பான மகிமையை பாதுகாக்கக் கூடியதாக இருக்கும். எனவே அரசாங்கம் இந்த விடயத்தில் மிகுந்த கவனம் செலுத்த வேண்டும் என நான் கருதுகிறேன் - என்றார்.
