முல்லைத்தீவில் மாடுகளுக்கும் காணிகள் இல்லை, மனிதர்களுக்கும் காணிகள் இல்லை – ரவிகரன்

முல்லைத்தீவில் மாடுகளுக்கும் காணிகள் இல்லை, மனிதர்களுக்கும் காணிகள் இல்லை – ரவிகரன்

முல்லைத்தீவு மாவட்டத்தில் வனவளத் திணைக்களத்தின் ஆளுகையிலேயே மிக அதிகளவிலான நிலப்பரப்புக் காணப்படுவதாக முன்னாள் வடமாகாணசபை உறுப்பினர் துரைராச...

முல்லைத்தீவு மாவட்டத்தில் வனவளத் திணைக்களத்தின் ஆளுகையிலேயே மிக அதிகளவிலான நிலப்பரப்புக் காணப்படுவதாக முன்னாள் வடமாகாணசபை உறுப்பினர் துரைராசா ரவிகரன் தெரிவித்துள்ளார்.

இந் நிலையில் முல்லைத்தீவு மாவட்டத்தில் 3389 குடும்பங்கள் குடியிருக்க காணியில்லாத நிலையில் வாழ்வதாகவும், 89ஆயிரத்திற்கும் மேற்பட்ட கால்நடைகளுக்கும் மேச்சல் தரையில்லை எனவும் சுட்டிக்காட்டியுள்ளார்.

இதுதொடர்பில் அவர் மேலும் கருத்துத் தெரிவிக்கையில்,

முல்லைத்தீவு மாவட்டத்தில் வாழும் 3389குடும்பங்களுக்கு குடியிருப்பதற்கு நிலம் இல்லை. தொழில் முயற்சிக்கென 28,626 இளைஞர், யுவதிகள் ஒரு ஏக்கர்வீதம் தமக்குக் காணி தருமாறு மாவட்டசெயலகத்திடம் கோரிக்கை முன்வைத்துள்ளபோதிலும் அதற்கு சாதகமான பலன்கள் இல்லை.

முல்லைத்தீவு மாவட்டசெயலகத்தின் 2022ஆம் ஆண்டிற்கான புள்ளிவிபரத்தின் அடிப்படையில், முல்லைத்தீவு மாவட்டத்தின் மொத்த நிலப்பரப்பானது 2415சதுரகிலோமீற்றர் தரையாகவும், 202சதுரகிலோமீற்றர் உள்ளக நீர்ப் பிரதேசமாகவும் காணப்படுகின்றது.


இதில் கடந்த 2009ஆம் ஆண்டிற்கு முன்னர் 222006 ஏக்கர், 36.72சதவீதமான நிலம் வனவளத் திணைக்களத்தின் ஆளுகைக்குட்பட்டுக் காணப்பட்டது.

இந் நிலையில் கடந்த 2009ஆம் ஆண்டிற்குப் பின்னர் 167484 ஏக்கர் 30.37நிலப்பரப்பை வனவளத் திணைக்களம் மேலதிகமாக தனது ஆளுகையின் கீழ் கொண்டுவந்துள்ளது.

தற்போது காடுபேணல் சட்டத்தின்கீழ் ஒதுக்கக்காடுகளாக மீண்டும் 42,631 ஏக்கர் 7.15சதவீதமான நிலப்பரப்பை வனவளத்திணைக்களம் கோரியுள்ளது. அவ்வாறு குறித்த நிலப்பரப்பும் வனவளத் திணைக்களத்தினால் உள்வாங்கப்பட்டால் மொத்தமாக உள்ள முல்லைத்தீவு மாவட்டத்தின் நிலப்பரப்பில் 74.24 சதவீதமான நிலப்பரப்பு வனவளத் திணைக்களத்தின் ஆளுகைக்குள் உள்வாங்கப்பட்டுவிடும்.



மிகுதி நிலப்பரப்பில் பெரும்பகுதியை மகாவலி அபிவிருத்தி அதிகாரசபை, தொல்லியல் திணைக்களம், வனஜீவராசிகள் திணைக்களம், கனியமணல் திணைக்களம், படையினர் உள்ளிட்ட தரப்பினர் ஆளுகைசெய்கின்றனர்.

குறிப்பாக வனவளத்திணைக்களத்தின் கட்டுப்பாட்டிலுள்ள நிலப்பரப்பில், மாவட்டத்தின் அபிவிருத்தித் தேவைக்காக சுமார் 50,000ஏக்கர் காணி தேவையெனவும், விடுவித்துத் தருமாறு மாவட்டசெயலகம் கோரிக்கை விடுத்துள்ளபோதிலும் முறையான பதில்கள் இதுவரையில் கிடைக்கவில்லைஎனத் தெரிவிக்கப்படுகின்றது.

ஆனால் வேறு திணைக்களங்கள் காணிக் கோரிக்கை முன்வைக்கும்போதும், குடியேற்றங்களுக்காக காணிக் கோரிக்கைகள் முன்வைக்கப்படுகின்றபோதும் காணிகளை விடுவிக்கின்ற நிலை காணப்படுவதாகவும் தெரிவிக்கப்படுகிறது.


இந் நிலையில் முல்லைத்தீவு மாவட்டத்தில் 3389குடும்பங்களுக்கு இதுவரை குடியிருக்க காணியில்லாத நிலை காணப்படுகின்றது.

இதுதவிர முல்லைத்தீவு மாவட்டத்தில் 89ஆயிரத்திற்கும் மேற்பட்ட கால்நடைகள் உள்ள நிலையில், குறித்த கால்நடைகளுக்குரிய மேச்சல்தரைவைகளும் இதுவரையில் வழங்கப்படாத நிலை காணப்படுகின்றது. நீண்ட காலமாக இவ்வாறு மேச்சல்தரைக்கான கோரிக்கை முன்வைக்கப்படுகின்ற போதிலும் இதுவரையில் மேச்சல்தரைக்குரிய காணிகள் வழங்கப்படவில்லை.

அந்தவகையில் தற்போது முல்லைத்தீவு மாவட்டத்தில் தமிழ் மக்கள் குடியிருக்க காணியில்லாத நிலை காணப்படுவதுடன், கால்நடைகளுக்கு மேச்சல்தரை காணிகள் இல்லாதநிலை காணப்படுகின்றது – என்றார்.

/fa-newspaper-o/ மேலும் பிரபலமான செய்திகள்$type=ticker$cate=2$count=8$va=0$i=1$cm=0$tb=rainbow

Name

Article,111,Astrology,30,cinema,255,doctor,13,Gallery,129,india,389,Jaffna,3339,lanka,8634,medical,7,Medicial,39,sports,354,swiss,15,technology,79,Trending,4225,Videos,10,World,577,Yarlexpress,4270,கவிதை,3,சமையல் குறிப்பு,3,பியர்,1,யாழ்ப்பாணம்,1,வணிகம் / பொருளாதாரம்,11,
ltr
item
Yarl Express: முல்லைத்தீவில் மாடுகளுக்கும் காணிகள் இல்லை, மனிதர்களுக்கும் காணிகள் இல்லை – ரவிகரன்
முல்லைத்தீவில் மாடுகளுக்கும் காணிகள் இல்லை, மனிதர்களுக்கும் காணிகள் இல்லை – ரவிகரன்
https://blogger.googleusercontent.com/img/b/R29vZ2xl/AVvXsEhWlKhtfZtQCbRB05eX6K0MPn7klkbAoT539JoCgq0XvC978xzXy_u73PnxDk7uy1QPif9Un8AReVfi8orPynq9mPcsHtC8Y5Z4R5V4fxegn2RTSIHt9kc9aM7UBIAPyCn4_9b-J-ZrUgB7cRgB0XjAJJizBrMy_SRlWNFF22Rxv4hGvFEB93xOMUtEXE8S/w640-h432/FB_IMG_1693070529549-696x470.jpg
https://blogger.googleusercontent.com/img/b/R29vZ2xl/AVvXsEhWlKhtfZtQCbRB05eX6K0MPn7klkbAoT539JoCgq0XvC978xzXy_u73PnxDk7uy1QPif9Un8AReVfi8orPynq9mPcsHtC8Y5Z4R5V4fxegn2RTSIHt9kc9aM7UBIAPyCn4_9b-J-ZrUgB7cRgB0XjAJJizBrMy_SRlWNFF22Rxv4hGvFEB93xOMUtEXE8S/s72-w640-c-h432/FB_IMG_1693070529549-696x470.jpg
Yarl Express
https://www.yarlexpress.com/2023/08/blog-post_107.html
https://www.yarlexpress.com/
https://www.yarlexpress.com/
https://www.yarlexpress.com/2023/08/blog-post_107.html
true
2273553020617608170
UTF-8
Loaded All News எந்த செய்தியும் கிடைக்கவில்லை மேலும் செய்திகளையும் பார்க்க மேலும் வாசிக்க Reply Cancel reply Delete By Home PAGES POSTS View All உங்களுக்கு பரிந்துரைக்கப்படும் செய்திகள் LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content