ஸ்ரீலங்கா கிரிக்கெட் நிறுவனத்திற்கு செல்லும் பிரதான வீதி பொலிஸாரினால் மூடப்பட்டுள்ளது. இதன்படி, மெட்டிலன்டி வீதி, டொரின்டன் சந்தி ஊடாக பிரவே...
ஸ்ரீலங்கா கிரிக்கெட் நிறுவனத்திற்கு செல்லும் பிரதான வீதி பொலிஸாரினால் மூடப்பட்டுள்ளது.
இதன்படி, மெட்டிலன்டி வீதி, டொரின்டன் சந்தி ஊடாக பிரவேசிப்பதற்கு தடை விதிக்கப்பட்டுள்ளது.
ஸ்ரீலங்கா கிரிக்கெட்டிற்கு முன்பாக நடாத்த திட்டமிட்டுள்ள போராட்டத்தை தவிர்க்கும் நோக்கில் இந்த நடவடிக்கை எடுக்கப்பட்டுள்ளது.
பொலிஸார், இராணுவத்தினர், கலகத் தடுப்பு பிரிவு உள்ளிட்ட பாதுகாப்பு பிரிவினர் வரவழைக்கப்பட்டு, வீதி மூடப்பட்டுள்ளது.
இதேவேளை, பத்தரமுல்லே சீலரத்ன தேரர், கடிதமொன்றை கையளிப்பதற்காக ஸ்ரீலங்கா கிரிக்கெட்டிற்கு வருகைத் தந்துள்ளார்.
தேரரை முதலில் பொலிஸார் இடைமறித்துள்ளதுடன், பின்னர் கடிதத்தை கையளிப்பதற்கு சந்தர்ப்பத்தை ஏற்படுத்திக் கொடுத்துள்ளனர்.
இதேவேளை, ஊழல், மோசடியுடன் தொடர்புடையதாக கூறப்படும் ஸ்ரீலங்கா கிரிக்கெட்டின் தலைவர் உள்ளிட்ட நிர்வாகத்தை பதவி நீக்கம் செய்யும் நோக்கத்துடன், பாராளுமன்றத்தில் இன்று விசேட விவாதமொன்று நடாத்தப்பட்டு, மாலை வாக்கெடுப்பு நடாத்த தீர்மானிக்கப்பட்டுள்ளது.
இந்த விவாதம் பாராளுமன்றத்தில் தற்போது இடம்பெற்று வருகின்றது.
