மட்டக்களப்பு ஏறாவூர் பொலிஸ் பிரிவுக்குட்பட்ட பகுதியில் வீடு ஒன்றின் மீது பெற்றோல் குண்டு தாக்குதல் நடாத்தப்பட்டுள்ளதாக ஏறாவூர் பொலிஸார் தெரி...
மட்டக்களப்பு ஏறாவூர் பொலிஸ் பிரிவுக்குட்பட்ட பகுதியில் வீடு ஒன்றின் மீது பெற்றோல் குண்டு தாக்குதல் நடாத்தப்பட்டுள்ளதாக ஏறாவூர் பொலிஸார் தெரிவித்தனர்.
ஏறாவூர் மீராக்கேணி பகுதியில் உள்ள வீடு ஒன்றின் மீது நேற்று முன்தினம் நள்ளிரவு 12 மணியளவில் இந்த தாக்குதல் நடாத்தப்பட்டுள்ளது.
இனந்தெரியாதோரினால் மேற்கொள்ளப்பட்ட தாக்குதலில் வீட்டின் யன்னல் கண்ணாடிகள் உடைந்து சேதமடைந்துள்ளது. எவருக்கும் எதுவிதமான காயமும் ஏற்படவில்லை
குறித்த வீட்டில் வசிப்பவர்கள் பிரதேசத்தில் போதைப் பொருள் ஒழிக்க வேண்டும் என நண்பர்களுடன் இணைந்து போதை பொருள் வியாபரிகள் தொடர்பாக பொலிசாருக்கு தகவல்களை வழங்கி வந்துள்ளனர்.
இது தொடர்பான மேலதிக விசாரணைகளை ஏறாவூர் பொலிஸார் மேற்கொண்டு வருவதுடன் குற்றத்தடயவியல் பிரிவு பொலிஸாரும் விசாரணைகளை முன்னெடுத்தனர்.
.jpeg)
